قتيلو

بدأ حركة تغيير وتطوير حقيقية لقطاع صناعة منتجات الألبان في محافظة دمياط وكان هدفه انه مش بس يكبر شركته لكن الهدف الحقيقي انه يجعل من محافظة دمياط مركز رئيسي لصناعة منتجات الألبان ذات الجودة العالية في مصر. فاشتغل على نفسه وطور مصنع قتيلو وكبر مساحته وزوده بأحدث تكنولوجيا الصناعة وسلامة الغذاء وحوله لكيان كبير يحتذى بيه في محافظة دمياط وفي مصر كلها … اسم قتيلو دلوقتي بقى في كل محافظات مصر 
وقدر بعدها يوصل اسم قتيلو للسعودية والامارات وأمريكا وإنجلترا وكتير من الأسواق العالمية . وكل دا ماكانش وليد الصدفه لانه درس كتير وتعب واهتم يكون أول واحد ياخد شهادة الايزو و شهادة FAD فى قطاع الجبن فى مصر سنة ١٩٩٠ . وشهادات غيرها كتير.
اهتم دايما بالمشاركة فى كل المعارض الدولية والمحلية عشان يقول لكل العالم ان مصر تقدر تكون في الصدارة بسواعد ولادها المخلصين 

 تولى منصب رئيس شعبة الالبان بدمياط من اكتر من ٢٠ سنة واهتمامه وصل لكل مصنع ومعمل ألبان في المحافظة… حبه الكبير للقطاع ولمحافظة دمياط اللى نشاء فيها جعل منه الاب الروحى لكل منتجى ومصنعى الجبن

وانهاردة وزى مابيهتم انه ينتج أعلى جودة من الجبن ومنتجات الألبان بيهتم انه يأهل جيل جديد يشتغل بكل حماس على الأبحاث والتطوير لأنه مؤمن ان العمل الجاد لابد أن يتواصل حتى يظل اسم قتيلو دائماً في القمة

كل سنة وحضرتك طيب وبخير يامستر عبد المنعم وربنا يجعل كل ماقدمته لمصر وللصناعة في ميزان حسناتك وفي عقل وقلب كل من تعلم على ايدك 
#قتيلو_طعم_البيوت